གཅིག་སྡུད་དང་ཁ་གྲམ་གྱི་ལས་འགུལ།
ཞི་བའི་ལས་འགུལ་ལ་དབྱེ་བ་འབྱེད་ཚུལ་མང་པོ་ཡོད་ཅིང་། དབྱེ་བ་འབྱེད་ཚུལ་གཅིག་ནི། གཅིག་སྡུད་ཀྱི་ལས་འགུལ་དང་ཁ་གྲམ་གྱི་ལས་འགུལ་གཉིས་ཡིན། གཅིག་སྡུད་ཀྱི་ལས་འགུལ་ནི། སྐད་འབོད་དང་། ཁྲོམས་སྐོར་བཅས་མི་ཚོགས་མང་པོ་ས་གནས་གཅིག་ཏུ་སྡུད་པའི་ལས་འགུལ་དག་ལ་ཟེར། ཁ་གྲམ་གྱི་ལས་འགུལ་ནི། ས་གནས་མང་པོའི་ནང་ལས་འགུལ་ཆུང་ཆུང་མང་པོ་དུས་གཅིག་ལ་སྤེལ་བ་དཔེར་ན། མཉམ་འབྲེལ་སྤོང་བའི་ལས་འགུལ་ལྟ་བུ་ལ་ཟེར།
ཆབས་སྲིད་ཀྱི་འཁོར་ཡུག་ཧ་ཅང་རྩུབ་པའི་རྒྱལ་ཁབ་བོད་ལྟ་བུ་གཅིག་གི་ནང་ལ་ཚོན་ན། གཅིག་སྡུད་ཀྱི་ལས་འགུལ་ལས་ཁ་གྲམ་གྱི་ལས་འགུལ་སྤེལ་ན་ཁེ་ཕན་མང་བ་ཡོད། དཔེར་ན།
༡ འཛིན་བཟུང་དང་བཙོན་འཇུག་གི་ཉེན་ཁ་ཆུང་དུ་གཏོང་བ།
༢ ལས་འགུལ་གྱི་རྒྱུན་སྲིང་ཐུབ་པ།
༣ ལས་འགུལ་ནང་མི་མང་བ་མཉམ་ཞུགས་བྱེད་ཐུབ་པ།
བཅས་ཁ་ཡོད་ལག་ཡོད་ཀྱི་ཁེ་ཕན་མང་པོ་ཡོད། དེ་འདྲ་སོང་ཙང་ང་ཚོས་ཁ་གྲམ་གྱི་ལས་འགུལ་རིགས་ལ་དོ་སྣང་མང་ཙམ་བྱེད་རྒྱུ་ནི་ཧ་ཅང་གལ་གནད་ཆེན་པོར་མཐོང་།