ལས་འགུལ་ཁག
ཀུ་ཤུ་བཟོ་ཚོང་ཁང་ནི་ལོ་ངོ་མང་
རྒྱ་ནག་གི་གནོན་ཤུགས་འོག ཀུ་ཤུ་བཟོ་ཚོང་ཁང་གིས་ཧོང་ཀོང་
དེ་བཞིན་དུ། ཀུ་ཤུ་བཟོ་ཚོང་ཁང་གིས་རྒྱ་ནག་གི
ཕྱི་ལོ་༢༠༡༨ ལོར། ཀུ་ཤུ་བཟོ་ཚོང་ཁང་གིས་རྒྱ་ནག་
རྒྱ་ནག་གཞུང་གིས་ཐེ་ཝན་གླིང་ཕྲ
བཀོལ་ཆས་འདི་དག་བཀག་སྡོམ་དང་། རྒྱ་ནག་སྲིད་གཞུང་གི་དགོས་འདུན་
པེ་ཅིན་སྲིད་གཞུང་གིས་རྒྱ་ནག་སྐ
ཀུ་ཤུ་བཟོ་ཚོང་ཁང་གི་ངོས་ནས། ངེ
ཀུ་ཤུ་བཟོ་ཚོང་ཁང་གིས་ངེས་པར་དུ
ཀུ་ཤུའི་ཉེར་སྤྱོད་པ་དང་། འབྲེལ་ཡོད་ཀྱི་མི་སེར། ཚོགས་སྡེ་ཁག་གིས། ཀུ་ཤུ་བཟོ་ཚོང་ཁང་གི་ངོས་ནས། རྒྱ་ནག་གི་གནས་ཚུལ་བཀག་སྡོམ་བྱེ
བོད་དོན་ལས་འགུལ་བསྟི་གནས་ཁང་གིས་ཨ་རི་གཙོ་བོར་བྱས་པའི་འཛམ་གླིང་རྒྱལ་ཁབ་ཁག་གི་སློབ་གྲྭ་དང་སློབ་གྲྭ་ཆེན་མོའི་ནང་རྒྱ་ནག་གཞུང་གི་རྒྱབ་སྐྱོར་ལ་བརྟེན་ནས་བཙུགས་ཡོད་པའི་ཁུང་ཙི་སློབ་གླིང་ཁག་བཀག་སྡོམ་བྱེད་པར་ལས་འགུལ་ཤུགས་ཆེ་སྤེལ་ཡོད། ཕྱི་ལོ་ 2017 ལོའི་ལོ་མཇུག་ལ་སྤོ་སི་ཊོན་ནས་ལས་འགུལ་སྤེལ་མགོ་ཚུགས་པ་ནས་བཟུང་། སློབ་གྲྭ་གསུམ་དམིགས་ཚད་དུ་བཟུང་བའི་ལས་འགུལ་སྤེལ་ཡོད། དེར་བརྟེན། མཱ་ས་ཆི་ཊི་སི་སྦོ་སི་ཊོན་གཙུག་ལག་སློབ་གཉེར་ཁང་ University of Massachusetts-Boston དང་། ཁེམ་པུ་རེ་ཇི་རན་ཇི་དང་ལ་ཊིན་སློབ་གྲྭ་ཆེན་མོ་ Cambridge Rindge & Latin High School གཉིས་ཀྱི་ནང་ཡོད་པའི་ཁུང་ཙི་སློབ་གླིང་སྒོ་རྒྱག་ཐུབ་ཡོད། སློབ་གྲྭ་གསུམ་པ་ཊ་ཧྥུ་ཊིས་གཙུག་ལག་སློབ་གཉེར་ཁང་ Tufts University ནི་གནད་དོན་འདིར་ཞིབ་འཇུག་གི་གནས་སྐབས་ཤིག་ན་ཡོད་སྟབས། ནམ་ཞིག་སྒོ་རྒྱག་པའི་ཐག་གཅོད་བྱེད་སྲིད་པ་རེད། སྦོ་སི་ཊོན་གྱི་ལས་འགུལ་སྐོར་གསར་འགྱུར་བརྒྱུད་ལམ་ཆེ་གྲས་སུ་ཐོན་པ་ཁག་ནི། <<སྦོ་སི་ཊོན་གྱི་འཛམ་གླིང་>>ཞེས་པའི་ཚགས་པར་གྱི་ཤོག་ངོས་མདུན་མར།
<<རྒྱ་ནག་གི་གསང་མྱུལ་དང་གཡོ་ཁྲམ། སྡིག་སྐུལ་>>ཞེས་པའི་དངོས་བྱུང་བརྙན་ཐུང་ནང་འཁོད་ཡོད་པ། AL jazeera བརྙན་འཕྲིན་ཁང་གི་ཤར་ཕྱོགས་ལེ་ཚན་ 101 ནང་། https://youtu.be/UrTln_0Xw4w.
སྦོ་སི་ཊོན་ས་གནས་སུ་ཤུགས་རྐྱེན་ངེས་ཅན་ལྡན་པའི་རྒྱལ་ཡོངས་གྲོས་ཚོགས་འཐུས་མི་སེ་ཐི་མོལ་ཊོན་ Seth Moulton དང་མཱེ་ཁི་ཁ་པོན་ནོ Mike Capuano གཉིས་ནས་རྒྱབ་སྐྱོར་གསལ་བསྒྲགས་དང་ངོ་རྒོལ་ཡི་གེ་སྤེལ་ཡོད།
ཁུང་ཙི་སློབ་གླིང་ནི་རྒྱ་ནག་གཞུང་གིས་བོད་དང་ཐེ་ཝན། གནམ་བདེ་སྒོ་མོ་ཆེ་བཅས་ཀྱི་སྐོར་ལ་གནས་ཚུལ་རྫུན་མ་སྤེལ་གྱི་ཡོད་པར་རོགས་འདེགས་བྱེད་མཁན་ཡིན་ནའང་། གནད་དོན་དེ་དག་གི་སྐོར་ལ་བགྲོ་གླེང་བྱ་སའི་སྡིངས་ཆ་དམིགས་བསལ་བ་མེད། དེ་ཚོས་ནི་འཛམ་གླིང་ཡོངས་ནང་རྒྱ་ནག་གི་ཤུགས་རྐྱེན་ཁྱབ་སྤེལ་གཏོང་གི་ཡོད། དཔེར་ན། སྨྲ་བརྗོད་རང་དབང་གིས་མཚོན་པའི་འགྲོ་བ་མིའི་ཐོབ་ཐང་ལ་ཚོད་འཛིན་བྱེད་ཀྱི་ཡོད།
ཁུང་ཙི་སློབ་གླིང་སྒོ་རྒྱག་པའི་ལས་འགུལ་ལ་རྒྱབ་སྐྱོར་ཐོབ་དང་ཐོབ་བཞིན་པ་རེད། ལོ་སྔོན་མའི་ནང་ལ། ཉུང་མཐར་སློབ་གླིང་བཅུ་ཡིས་ཁུང་ཙི་སློབ་གླིང་སྒོ་རྒྱག་པར་མདུན་བསྐྱོད་བྱས་ཡོད། ཁ་ན་ཊའི་མངའ་སྡེ་ New Brunswick ནང་གི་སློབ་གྲྭ་ཁག་ཉེར་བརྒྱད་ནང་ཁུང་ཙི་སློབ་གླིང་སྒོ་རྒྱག་རྒྱུའི་འཆར་གཞི་ཡོད་པ་རེད།
བོད་དོན་ལས་འགུལ་བསྟི་གནས་ཁང་གིས་རྒྱལ་སྤྱིའི་རྒྱབ་སྐྱོར་བ་འདྲ་མིན་དང་ལྷན་དུ་ལས་ཀ་བྱེད་ཀྱི་ཡོད། དཔེར་ན། ཞིན་ཅང་དང་རྒྱ་ནག་གི་འགྲོ་བ་མིའི་ཐོབ་ཐང་ཁྲིམས་རྩོད་པ་དང་འཛད་སྤྱོད་པའི་ཞིབ་འཇུག་ཚོགས་པ་སོགས། དེ་རྣམས་དང་ལྷན་དུ་ལས་ཀ་བྱས་ནས་གྷོ་གལ་གྱི་ Dragonfly ལས་འཆར་མཚམས་འཇོག་བྱེད་པར་གནོན་ཤུགས་སྤྲོད་ཀྱི་ཡོད། གྷོ་གལ་གྱི་ Dragonfly ལས་འཆར་ནི་ལོ་སྔོན་མའི་ནང་གསང་བའི་སྒོ་ནས་བཟོས་ཤིང་དེའི་དམིགས་ཡུལ་ནི། རྒྱ་ནག་གཅིག་པུར་དམིགས་ཏེ་སྟངས་འཛིན་དམ་པའི་འཚོལ་བཤེར་འཕྲུལ་ཆས་གྷོ་གལ་ལྟ་བུ་ཞིག་བཟོ་སྐྲུན་བྱ་རྒྱུ་དེ་ཡིན།
ང་ཚོའི་ལས་འགུལ་དེ་ཐོག་མར་སྤྱི་ལོ་ ༢༠༡༨ ལོའི་ཟླ་བ་ ༡༢ པའི་ཚེས་ ༡༠ རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་དྲ་ཐོག་ནས་རྒྱུས་སྟོན་གྱི་འགྲེལ་བཤད་གཉིས་དང་བཅས་ཏེ་མགོ་བཙུགས་པ་ཡིན། ལས་འགུལ་དེས་བོད་ཀྱི་གནད་དོན་གཞི་རྩར་བཟུང་ནས། པེ་ཅིང་གིས་རྒྱལ་སྤྱིའི་སྨྲ་བརྗོད་རང་དབང་དང་གསར་འགྱུར་རང་དབང་ལ་དོ་ཕོག་གཏོང་བའི་འཆར་གཞི་དེར་ཁ་གཏད་གཅོག་གི་ཡོད།