མི་མང་གི་སྟོབས་ཤུགས།

ལོ་རྒྱུས་ཀྱིས་བདེན་དཔང་ལྟར་ན། མི་མང་པོ་ཕྱོགས་གཅིག་ཏུ་འཛོམས་ནས་ཐབས་ཇུས་ལྡན་པ་དང་ཆིག་སྒྲིལ་ཡོད་པ། འཚེ་མེད་ཞི་བ་བཅས་ཀྱི་སྒོ་ནས་དབང་སྒྱུར་བ་ལ་ཁ་གཏད་གཅོག་སྐབས། མི་མང་གི་སྟོབས་ཤུགས་ལ་རྒྱལ་ཁ་ཐོབ་ཡོད།

ལས་འགུལ།

ཁུང་ཙི་སློབ་གླིང་ཁག་སྒོ་རྒྱག་བཞིན་པ།

བོད་དོན་ལས་འགུལ་བསྟི་གནས་ཁང་གིས་ཨ་རི་གཙོ་བོར་བྱས་པའི་འཛམ་གླིང་རྒྱལ་ཁབ་ཁག་གི་སློབ་གྲྭ་དང་སློབ་གྲྭ་ཆེན་མོའི་ནང་རྒྱ་ནག་གཞུང་གི་རྒྱབ་སྐྱོར་ལ་བརྟེན་ནས་བཙུགས་ཡོད་པའི་ཁུང་ཙི་སློབ་གླིང་ཁག་བཀག་སྡོམ་བྱེད་པར་ལས་འགུལ་ཤུགས་ཆེ་སྤེལ་ཡོད། ཕྱི་ལོ་ 2017 ལོའི་ལོ་མཇུག་ལ་སྤོ་སི་ཊོན་ནས་ལས་འགུལ་སྤེལ་མགོ་ཚུགས་པ་ནས་བཟུང་། སློབ་གྲྭ་གསུམ་དམིགས་ཚད་དུ་བཟུང་བའི་ལས་འགུལ་སྤེལ་ཡོད། དེར་བརྟེན། མཱ་ས་ཆི་ཊི་སི་སྦོ་སི་ཊོན་གཙུག་ལག་སློབ་གཉེར་ཁང་ University of Massachusetts-Boston དང་། ཁེམ་པུ་རེ་ཇི་རན་ཇི་དང་ལ་ཊིན་སློབ་གྲྭ་ཆེན་མོ་ Cambridge Rindge & Latin High School གཉིས་ཀྱི་ནང་ཡོད་པའི་ཁུང་ཙི་སློབ་གླིང་སྒོ་རྒྱག་ཐུབ་ཡོད། སློབ་གྲྭ་གསུམ་པ་ཊ་ཧྥུ་ཊིས་གཙུག་ལག་སློབ་གཉེར་ཁང་ Tufts University ནི་གནད་དོན་འདིར་ཞིབ་འཇུག་གི་གནས་སྐབས་ཤིག་ན་ཡོད་སྟབས། ནམ་ཞིག་སྒོ་རྒྱག་པའི་ཐག་གཅོད་བྱེད་སྲིད་པ་རེད། སྦོ་སི་ཊོན་གྱི་ལས་འགུལ་སྐོར་གསར་འགྱུར་བརྒྱུད་ལམ་ཆེ་གྲས་སུ་ཐོན་པ་ཁག་ནི།

<<སྦོ་སི་ཊོན་གྱི་འཛམ་གླིང་>>ཞེས་པའི་ཚགས་པར་གྱི་ཤོག་ངོས་མདུན་མར།

https://www.bostonglobe.com/metro/2018/01/15/chinese-institute-umass-boston-accused-promoting-censorship/U5nL824cIpKTFF7h186TSP/story.html

<<རྒྱ་ནག་གི་གསང་མྱུལ་དང་གཡོ་ཁྲམ། སྡིག་སྐུལ་>>ཞེས་པའི་དངོས་བྱུང་བརྙན་ཐུང་ནང་འཁོད་ཡོད་པ། AL jazeera བརྙན་འཕྲིན་ཁང་གི་ཤར་ཕྱོགས་ལེ་ཚན་ 101 ནང་།   https://youtu.be/UrTln_0Xw4w.

སྦོ་སི་ཊོན་ས་གནས་སུ་ཤུགས་རྐྱེན་ངེས་ཅན་ལྡན་པའི་རྒྱལ་ཡོངས་གྲོས་ཚོགས་འཐུས་མི་སེ་ཐི་མོལ་ཊོན་ Seth Moulton དང་མཱེ་ཁི་ཁ་པོན་ནོ Mike Capuano གཉིས་ནས་རྒྱབ་སྐྱོར་གསལ་བསྒྲགས་དང་ངོ་རྒོལ་ཡི་གེ་སྤེལ་ཡོད།

ཁུང་ཙི་སློབ་གླིང་ནི་རྒྱ་ནག་གཞུང་གིས་བོད་དང་ཐེ་ཝན། གནམ་བདེ་སྒོ་མོ་ཆེ་བཅས་ཀྱི་སྐོར་ལ་གནས་ཚུལ་རྫུན་མ་སྤེལ་གྱི་ཡོད་པར་རོགས་འདེགས་བྱེད་མཁན་ཡིན་ནའང་། གནད་དོན་དེ་དག་གི་སྐོར་ལ་བགྲོ་གླེང་བྱ་སའི་སྡིངས་ཆ་དམིགས་བསལ་བ་མེད། དེ་ཚོས་ནི་འཛམ་གླིང་ཡོངས་ནང་རྒྱ་ནག་གི་ཤུགས་རྐྱེན་ཁྱབ་སྤེལ་གཏོང་གི་ཡོད། དཔེར་ན། སྨྲ་བརྗོད་རང་དབང་གིས་མཚོན་པའི་འགྲོ་བ་མིའི་ཐོབ་ཐང་ལ་ཚོད་འཛིན་བྱེད་ཀྱི་ཡོད།

ཁུང་ཙི་སློབ་གླིང་སྒོ་རྒྱག་པའི་ལས་འགུལ་ལ་རྒྱབ་སྐྱོར་ཐོབ་དང་ཐོབ་བཞིན་པ་རེད། ལོ་སྔོན་མའི་ནང་ལ། ཉུང་མཐར་སློབ་གླིང་བཅུ་ཡིས་ཁུང་ཙི་སློབ་གླིང་སྒོ་རྒྱག་པར་མདུན་བསྐྱོད་བྱས་ཡོད། ཁ་ན་ཊའི་མངའ་སྡེ་ New Brunswick ནང་གི་སློབ་གྲྭ་ཁག་ཉེར་བརྒྱད་ནང་ཁུང་ཙི་སློབ་གླིང་སྒོ་རྒྱག་རྒྱུའི་འཆར་གཞི་ཡོད་པ་རེད།

གྷོ་གལ་ GOOGLE བཀག་སྡོམ་བྱེད་རྒྱུ་མཚམས་འཇོག

བོད་དོན་ལས་འགུལ་བསྟི་གནས་ཁང་གིས་རྒྱལ་སྤྱིའི་རྒྱབ་སྐྱོར་བ་འདྲ་མིན་དང་ལྷན་དུ་ལས་ཀ་བྱེད་ཀྱི་ཡོད། དཔེར་ན། ཞིན་ཅང་དང་རྒྱ་ནག་གི་འགྲོ་བ་མིའི་ཐོབ་ཐང་ཁྲིམས་རྩོད་པ་དང་འཛད་སྤྱོད་པའི་ཞིབ་འཇུག་ཚོགས་པ་སོགས། དེ་རྣམས་དང་ལྷན་དུ་ལས་ཀ་བྱས་ནས་གྷོ་གལ་གྱི་ Dragonfly ལས་འཆར་མཚམས་འཇོག་བྱེད་པར་གནོན་ཤུགས་སྤྲོད་ཀྱི་ཡོད། གྷོ་གལ་གྱི་ Dragonfly ལས་འཆར་ནི་ལོ་སྔོན་མའི་ནང་གསང་བའི་སྒོ་ནས་བཟོས་ཤིང་དེའི་དམིགས་ཡུལ་ནི། རྒྱ་ནག་གཅིག་པུར་དམིགས་ཏེ་སྟངས་འཛིན་དམ་པའི་འཚོལ་བཤེར་འཕྲུལ་ཆས་གྷོ་གལ་ལྟ་བུ་ཞིག་བཟོ་སྐྲུན་བྱ་རྒྱུ་དེ་ཡིན།

ང་ཚོའི་ལས་འགུལ་དེ་ཐོག་མར་སྤྱི་ལོ་ ༢༠༡༨ ལོའི་ཟླ་བ་ ༡༢ པའི་ཚེས་ ༡༠ རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་དྲ་ཐོག་ནས་རྒྱུས་སྟོན་གྱི་འགྲེལ་བཤད་གཉིས་དང་བཅས་ཏེ་མགོ་བཙུགས་པ་ཡིན། ལས་འགུལ་དེས་བོད་ཀྱི་གནད་དོན་གཞི་རྩར་བཟུང་ནས། པེ་ཅིང་གིས་རྒྱལ་སྤྱིའི་སྨྲ་བརྗོད་རང་དབང་དང་གསར་འགྱུར་རང་དབང་ལ་དོ་ཕོག་གཏོང་བའི་འཆར་གཞི་དེར་ཁ་གཏད་གཅོག་གི་ཡོད།

རྒྱུ་ཆ།

གཤམ་གྱི་གནས་ཚུལ་གྱི་དཀྱིལ་འཁོར་འདི་ནི་མི་མང་དང་ཚོགས་སྡེ་ཁག་གིས་ཇི་ལྟར་ཐབས་ཇུས་ལྡན་པའི་ཞི་བའི་ལས་འགུལ་ལ་བརྟེན་ནས་རྒྱལ་ཁ་བླངས་བའི་སྐོར་ཡིན། འདི་ནས་སེམས་ཤུགས་དང་སྙིང་སྟོབས་སྒུམ་རོགས།

ཆབ་སྲིད་ཀྱི་ཐོབ་ཐང་།

ཆབ་སྲིད་ཀྱི་ཐོབ་ཐང་།

ནམ་རྒྱུན་སྲིད་དབང་སྒེར་འཛིན་སྲིད་གཞུང་ཁག་མགོ་རྟིང་སློག་རྒྱུ་དེ་ཧ་ཅང་དཀའ་ལས་ཁག་པོ་མཐོང་གི་ཡོད། འོན་ཀྱང་། མི་མང་མང་པོ་མཉམ་འཛོམས་དང་མཐུན་སྒྲིལ་བྱས་པ་ཡིན་ན། ཆེས་གདུག་རྩུབ་ཆེ་བའི་ཆབ་སྲིད་ཀྱི་ལམ་ལུགས་ཤིག་གི་འོག་ཏུའང་།སོ་སོའི་ཆབ་སྲིད་ཀྱི་ཐོབ་ཐང་མངོན་འགྱུར་བྱེད་དུ་འཇུག་ཐུབ་ཀྱི་ཡོད་པ་ལོ་རྒྱུས་ཀྱིས་ཁ་གསལ་པོ་སྟོན་གྱི་ཡོད། དེ་ཇི་ལྟར་བྱས་མིན་སྐོར་ལ་སློབ་སྦྱོང་བྱོས།

20190111095536
སྐད་ཡིག་གི་ཐོབ་ཐང་།

སྐད་ཡིག་གི་ཐོབ་ཐང་།

སྐད་ཡིག་ནི་འཛམ་གླིང་སྟེང་གི་མི་རིགས་འདྲ་མིན་གྱི་རིག་གཞུང་དང་ངོ་བོ་སྲུང་སྐྱོབ་བྱེད་སྤྱད་ཀྱི་གལ་ཆེའི་ལྡེ་མིག་དེ་ཡིན་ལ། བོད་ནང་ལ་ཆ་མཚོན་ན། རྒྱ་ནག་སྲིད་གཞུང་གིས་སྒྲིག་འཛུགས་རང་བཞིན་གྱི་ཐོག་ནས་བོད་ཀྱི་སྐད་ཡིག་རྩ་མེད་གཏོང་བའི་རྩོལ་བ་བྱེད་ཀྱི་ཡོད་མེད་ལ་མ་ལྟོས་པར། བོད་མི་ཚོས་མུ་མཐུད་ནས་སོ་སོའི་སྐད་ཡིག་གི་ཐོབ་ཐང་རྩོད་ལེན་བྱེད་བཞིན་ཡོད།

20190111101620
དཔལ་འབྱོར་སྙོམས་སྒྲིག

དཔལ་འབྱོར་སྙོམས་སྒྲིག

བོད་ནི་ཐོན་ཁུངས་ཧ་ཅང་ཕྱུག་པའི་ལུང་པ་ཞིག་ཡིན་ཀྱང་། རྒྱ་ནག་གིས་བཙན་འཛུལ་གྱི་ལམ་ཁ་བརྒྱུད་དེ་ཐོན་ཁུངས་དེ་དག་བཤུ་གཞོག་གཏོང་གི་ཡོད། བོད་པ་ཚོས་ཀྱང་ཚོགས་སྡེ་གཞན་ཁག་ནང་བཞིན། ཕྱི་ཕྱོགས་ཀྱི་ཚོང་ལས་སྡེ་ཁག་(བཟོ་ཚོང་ཁང་ཆེ་གྲས)་དང་སྲིད་གཞུང་ཁག་ལ་ཁེ་ཕན་བསྐྲུན་པའི་དཔལ་འབྱོར་གྱི་བྱེད་ལས་ཁག་ལ་ངོ་རྒོལ་བྱེད་ཀྱི་ཡོད་ལ། སོ་སོའི་དཔལ་འབྱོར་ལ་སྟངས་འཛིན་བྱེད་པའི་ཐོབ་ཐང་རྩོད་ལེན་བྱེད་ཀྱི་ཡོད།

20190111102011
རིག་གཞུང་དང་ཆོས་ལུགས་ཀྱི་ཐོབ་ཐང་།

རིག་གཞུང་དང་ཆོས་ལུགས་ཀྱི་ཐོབ་ཐང་།

ཆོས་ལུགས་དང་རིག་གཞུང་ནི་བོད་པའི་སྤྱི་ཚོགས་ཀྱི་ཉིང་བཅུད་ཡིན་ལ། བོད་མི་ཚོས་ཆོས་ལུགས་སོགས་དང་འབྲེལ་བའི་རང་དབང་རྩོད་ལེན་བྱེད་ཕྱིར། གཞས་སྣ་དང་། གྱོན་གོས།དུས་སྟོན་སོགས་རིག་གཞུང་གི་རྣམ་པ་ཕྱི་ལ་སྟོན་བྱེད་ཀྱི་ལམ་ཁ་འདི་དག་བརྒྱུད་དེ། རང་ཉིད་ཀྱི་ངོ་བོ་དག་སྐྱེལ་བྱེད་ཀྱི་ཡོད།

20190111102405
ཁོར་ཡུག་སྲུང་སྐྱོབ།

ཁོར་ཡུག་སྲུང་སྐྱོབ།

ཁོར་ཡུག་སྲུང་སྐྱོབ་བྱེད་པ་ནི་ད་ལྟའི་དུས་ཀྱི་འཛམ་གླིང་ཁྱོན་ཡོངས་ཀྱི་གནད་དོན་གལ་ཆེན་ཞིག་ཡིན། འཛམ་གླིང་གི་ས་ཁུལ་གཞན་དག་དང་འདྲ་བར། བོད་ནང་དུའང་། སེམས་ཤུགས་དང་བློ་སྤོབས་སྦྱིན་མཁན་གྱི་མི་སྒེར་དང་ཚོགས་སྡེ་མང་པོ་ཞིག་གིས། གཏེར་ཁ་བསྔོག་འདོན་གྱི་རིགས་བཀག་འགོག་དང་། སྟོངས་ལ་ཉེ་བའི་རི་སྐྱེས་སྲོག་ཆགས་སྲུང་སྐྱོབ།ཁོར་ཡུག་ལ་མི་གནོད་པའི་ཡུལ་སྐོར་ལས་འཆར་སོགས་འགོ་འཛུགས་བྱེད་ཀྱི་ཡོད།

20190111102622

ཟབ་སྦྱོང་།

ལྷག་དཀར་སློབ་གཉེར། – སློབ་གྲྭའི་བོད་རིགས་མགོ་ཁྲིད་དང་འཕོ་འགྱུར་།

ལྷག་དཀར་སློབ་གཉེར་ལས་གཞི་ནི་སྤྱི་ལོ་ 2011 ལོར་མགོ་བཙུགས་ཤིང་། ཤེས་ཡོན་དང་མགོ་ཁྲིད་ཀྱི་ཉམས་མྱོང་ལྡན་པའི་བོད་རིགས་ན་གཞོན་རྣམས་ཀྱི་བསམ་བློའི་གོ་རྟོགས་དང་ནུས་པ་མཐོར་འདེགས་བྱས་ཏེ། བོད་དུ་དམངས་གཙོ་འཕེལ་རྒྱས་དང་འགྲོ་བ་མིའི་ཐོབ་ཐང་ཚད་ལྡན་ཡོང་བར་དམིགས་པའི་ཐབས་བྱུས་དང་སྲིད་བྱུས་སོགས་ཀྱི་སྦྱོང་བསྡར་སྤྲོད་ཀྱི་ཡོད།

རྒྱ་གར་གྱི་རང་བཙན་ལས་འགུལ་དང་ཨ་རི་བའི་ཞི་བའི་ཐོབ་ཐང་ལས་འགུལ་སྐབས་མགོ་ཁྲིད་དང་ལས་འགུལ་བ་རྣམས་ལ་ སྦྱོང་བསྡར་སྤྲད་པའི་རིགས་གཞི་རྩར་བཟུང་ནས། བདུན་ཕྲག་གསུམ་ནས་བཞིའི་དུས་ཡུན་གྱི་སློབ་གཉེར་དེས་དེང་རབས་འཛམ་གླིང་གི་ཆབ་སྲིད་དང་། ལོ་རྒྱུས་དང་བོད་རྒྱའི་གནས་སྟངས་བར་འབྲེལ་བ་ག་རེ་ཡོད་མེད་བཅས་ཀྱི་སྐོར་གསལ་རྟོགས་དང་། འཐབ་བྱུས་དང་འཚེ་མེད་ཞི་བའི་ཐབས་ལམ། སྲིད་བྱུས་དང་འགོག་རྒོལ། བདེ་འཇགས་ངང་བརྡ་འཕྲིན་བཀོལ་སྤྱོད་བྱེད་པ་དང་དྲ་རྒྱའི་ལག་རྩལ་བཅས་སྦྱོང་བསྡར་སྤྲོད་ཀྱི་ཡོད།

སྤྱི་ལོ་ 2019 ལོར། བོད་རིགས་ན་གཞོན་དང་ལས་འགུལ་གྱི་སྣེ་ཁྲིད་པ་གྲངས་ 113 ཟླ་གཅིག་དུས་ཡུན་གྱི་ལྷག་དཀར་སློབ་གཉེར་དང་སློབ་གྲྭའི་བོད་རིགས་མགོ་ཁྲིད་དང་འཕོ་འགྱུར་ལས་གཞི་དང་། ས་གནས་ཀྱི་ལྷག་དཀར་སློབ་གཉེར་བདུན་གཅིག་དུས་ཡུན་གྱི་ཟབ་སྦྱོང་ཐོན་ཡོད་པ་རེད། མགོ་ཁྲིད་དེ་རྣམས་ལས་ཐབས་བྱུས་པ། ལས་འགུལ་བ། གཏམ་བཤད་པ། གཞན་ལ་སྦྱོང་བསྡར་སྤྲོད་མཁན་སོགས་ཐོན་ཡོད། སྤྱིའི་ཆ་ནས་བྱས་ན། ཁོང་ཚོ་ནི་བོད་རང་དབང་ལས་འགུལ་གྱི་རྐང་འཛིན་རང་བཞིན་གྱི་སྟོབས་ཤུགས་ཆེན་པོ་ཞིག་ཆགས་ཡོད།

ལྷག་དཀར་སློབ་གཉེར་ལས་འགུལ་གྱི་ལས་རིམ་ཁོངས་སུ་གཤམ་གྱི་འདི་དག་འདུ།

  • བོད་མིའི་ངོ་བོ་དང་འགོག་རྒོལ།
  • འཚེ་མེད་ཞི་བའི་འགོག་རྒོལ་སྟེ། སྟོབས་ཤུགས་དང་ཐབས་ཇུས། ཐབས་ལམ་ཁག
  • རྒྱ་ནག་སྐོར་ཤེས་རྟོགས་བསྐྱེད་པ།
  • མི་སྒེར་གྱི་འགོ་ཁྲིད་ནུས་པ།
  • བརྒྱུད་ལམ་ཁག་དང་ལྷན་དུ་ལས་ཀ་བྱེད་པ་དང་གནས་ཚུལ་སྤེལ་བ།
  • འབྲེལ་ལམ། བརྡ་འཕྲིན། ཉེན་སྲུང་།

འདི་རུ་ཐབས་ཇུས་ལྡན་པའི་འཚེ་མེད་ཞི་བའི་སྐོར་ལ་མང་ཙམ་མཁྱེན་ངེས།

འཚེ་མེད་ཞི་བའི་མི་མང་འགོག་རྒོལ་ལས་འགུལ་གྱི་གྲུབ་འབྲས། TEDxBoulder སྒང་གི་ཨེ་རིས་ཁ ཆེ་ནོ་བེ་ཐུ་ཡི་གཏམ་བཤད།

མི་མང་འགོག་རྒོལ་ངོ་སྤྲོད་པ།

ཐབས་ཇུས་དང་ཐབས་ལམ་གྱི་སྐོར། བསྟན་འཛིན་རྡོ་རྗེའི་གསུང་བཤད།

འགྱུར་བའི་མ་ལག་གི་སྐོར། བསྟན་འཛིན་རྡོ་རྗེའི་གསུང་བཤད།

ལྐོག་ཟ་རུལ་སུངས་ནས་གྲོལ་བ།

Creative Low Risk Tactics

ཅིའི་ཕྱིར་ཐབས་ཇུས་ལྡན་པའི་འཚེ་མེད་ཞི་བའི་ལས་འགུལ་གལ་ཆེའམ།

འཚེ་མེད་ཞི་བའི་ལྟ་ཚུལ་གྱིས་མི་མང་པོར་སྐུལ་སློང་བྱེད་ཐུབ། འདི་རུ་གང་ཞིག་འཚེ་མེད་ཞི་བའི་ཁྱད་ཆོས་ཡིན་པ་དང་གང་ཞིག་མ་ཡིན་པའི་སྐོར་གླེང་ཡོད། དེས་ང་ཚོས་འཐབ་རྩོད་ཀྱི་ཆེད་དུ་ཐབས་ཇུས་ལྡན་པའི་འཚེ་མེད་ཞི་བའི་ལས་འགུལ་འདེམས་དགོས་བའི་རྒྱུ་མཚན་དེ་གསལ་བར་ཆགས།

འཐབ་བྱུས་རང་བཞིན་ལྡན་པའི་འཚེ་བ་ཞི་བ་ཡིས།

  • འཐབ་བྱུས་རང་བཞིན་ལྡན་པའི་འཚེ་བ་ཞི་བ་ཡིས།
  • སེམས་ཁམས་དང་། སྤྱི་ཚོགས། དཔལ་འབྱོར། ཆབ་སྲིད་ཀྱི་ཐབས་ལམ་ཁག་ཤུགས་ཆེར་བེད་སྤྱོད་བྱེད་ངེས།
  • ཁྱབ་ཆེ་བའི་མང་ཚོགས་ཀྱི་མཉམ་ཞུགས་བྱེད་ཐུབ།
  • ནུས་པ་དང་སྟོབས་ཤུགས་ལ་བརྟེན་ནས་བཀའ་བརྩི་དང་ལེན་མི་བྱེད།
  • མི་མང་ག་རེ་ལ་ཡིད་ཆེས་ཡོད་མེད་མ་ཡིན་པར། ཁོ་ཚོས་བརྩམས་པའི་ལས་འགུལ་གྱིས་ངོས་འཛིན་བྱེད་དགོས།
  • བཀའ་བརྩི་དང་ལེན་དང་གཞན་དབང་གི་ལངས་ཕྱོགས།
  • རང་ཉིད་ཀྱི་དགྲ་བོར་དགའ་མོས་བྱེད་པ།
  • སྡར་མའི་འདེམས་པའི་ལམ་ཁ།
  • ངག་ཐོག་གི་ཐབས་ལམ་གཅིག་པུར་གཞི་བཅོལ་བ།
  • མི་ནི་རྩ་བའི་ཆ་ནས་ཡག་པོ་ཡིན་པར་ངོས་འཛིན་བྱེད་པ་སོགས་

འཐབ་བྱུས་རང་བཞིན་ལྡན་པའི་འཚེ་བ་ཞི་བ་མ་ཡིན་ནོ།།

གདུག་རྩུབ་ཆེ་བའི་སྲིད་གཞུང་གི་འོག་ཏུ། འཚེ་བ་ཞི་བ་དེ་འཐབ་བྱུས་རང་བཞིན་ལྡན་པའི་ཐོག་ནས་འདེམས་པའི་རྒྱུ་མཚན་ནི། འཚེ་བ་ཞི་བའི་ལམ་ཁ་དེ་འཚེ་བའི་ལམ་ཁ་དང་བསྡུར་ན་ལྡབ་གཅིག་གི་ནུས་པ་ཆེ་བ་དང་།གྲུབ་འབྲས་སོན་གྱི་ཡོད་པ་བདེན་དཔང་བྱས་ཡོད་ལ། འཚེ་མེད་ཞི་བའི་ལས་འགུལ་མུ་མཐུད་ནས་གོང་འཕེལ་འགྲོ་གི་ཡོད། རྒྱལ་ཁབ་གང་རུང་ཞིག་གི་མངའ་ཁོངས་སུ་གནོད་སྐྱོན་ཐེབས་པའི་མི་རིགས་ཤིག་གི་མི་འབོར་ཁྱོན་ཡོངས་ཀྱི་བརྒྱ་ཆ་3.5% ནས་ 5% ལྷག་གིས་ཚ་ཚ་འུར་འུར་གྱི་སྒོ་ནས་ལས་འགུལ་ཁྲོད་དུ་མཉམ་ཞུགས་བྱས་ཏེ། མུ་མཐུད་ནས་རྒྱུན་མཐུད་པ་ཡིན་ན་ཁོང་ཚོར་རྒྱལ་ཁ་འཐོབ་ཐུབ་ཀྱི་ཡོད་པ་དངོས་ཡོད་ཡིན། འདས་པའི་མི་ལོ་དྲུག་ཅུ་ལྷག་གི་རིང་དུ། བོད་མི་ཚོས་འཚེ་མེད་ཞི་བ་དེ་བོད་དོན་འཐབ་རྩོད་བྱེད་ཕྱོགས་ཀྱི་ཐབས་ལམ་ལྟེ་བར་བེད་སྤྱོད་བྱས་ཏེ།

བོད་དེ་རྒྱ་ནག་སྲིད་གཞུང་གི་མིག་ནང་གི་འཚེར་མ་ལྟ་བུར་ཉར་ཐུབ་ཡོད། འཚེ་བ་ཞི་བ་ནི་བོད་ལ་རང་དབང་བསྐྲུན་པར་ནུས་པ་ཆེ་ཤོས་དང་། གྲུབ་འབྲས་སྨིན་ཐུབ་པའི་ལམ་ཁ་ཁོ་ན་ཡིན་པ། བོད་དོན་ལས་འགུལ་བསྟི་གནས་ཁང་གིས་ལོ་མང་རིང་ལས་འགུལ་སྤེལ་བའི་ཉམས་མྱོང་གི་ཐོག་ནས་ངེས་ཤེས་གསལ་པོ་རྙེད་ཡོད།

Top