ཁོར་ཡུག་སྲུང་སྐྱོབ་བྱེད་པ་ནི་ད་ལྟའི་དུས་ཀྱི་འཛམ་གླིང་ཁྱོན་ཡོངས་ཀྱི་གནད་དོན་གལ་ཆེན་ཞིག་ཡིན། འཛམ་གླིང་གི་ས་ཁུལ་གཞན་དག་དང་འདྲ་བར། བོད་ནང་དུའང་། སེམས་ཤུགས་དང་བློ་སྤོབས་སྦྱིན་མཁན་གྱི་མི་སྒེར་དང་ཚོགས་སྡེ་མང་པོ་ཞིག་གིས། གཏེར་ཁ་བསྔོག་འདོན་གྱི་རིགས་བཀག་འགོག་དང་། སྟོངས་ལ་ཉེ་བའི་རི་སྐྱེས་སྲོག་ཆགས་སྲུང་སྐྱོབ།ཁོར་ཡུག་ལ་མི་གནོད་པའི་ཡུལ་སྐོར་ལས་འཆར་སོགས་འགོ་འཛུགས་བྱེད་ཀྱི་ཡོད།
ཆོས་ལུགས་དང་རིག་གཞུང་ནི་བོད་པའི་སྤྱི་ཚོགས་ཀྱི་ཉིང་བཅུད་ཡིན་ལ། བོད་མི་ཚོས་ཆོས་ལུགས་སོགས་དང་འབྲེལ་བའི་རང་དབང་རྩོད་ལེན་བྱེད་ཕྱིར། གཞས་སྣ་དང་། གྱོན་གོས།དུས་སྟོན་སོགས་རིག་གཞུང་གི་རྣམ་པ་ཕྱི་ལ་སྟོན་བྱེད་ཀྱི་ལམ་ཁ་འདི་དག་བརྒྱུད་དེ། རང་ཉིད་ཀྱི་ངོ་བོ་དག་སྐྱེལ་བྱེད་ཀྱི་ཡོད།
བོད་ནི་ཐོན་ཁུངས་ཧ་ཅང་ཕྱུག་པའི་ལུང་པ་ཞིག་ཡིན་ཀྱང་། རྒྱ་ནག་གིས་བཙན་འཛུལ་གྱི་ལམ་ཁ་བརྒྱུད་དེ་ཐོན་ཁུངས་དེ་དག་བཤུ་གཞོག་གཏོང་གི་ཡོད། བོད་པ་ཚོས་ཀྱང་ཚོགས་སྡེ་གཞན་ཁག་ནང་བཞིན། ཕྱི་ཕྱོགས་ཀྱི་ཚོང་ལས་སྡེ་ཁག་(བཟོ་ཚོང་ཁང་ཆེ་གྲས)་དང་སྲིད་གཞུང་ཁག་ལ་ཁེ་ཕན་བསྐྲུན་པའི་དཔལ་འབྱོར་གྱི་བྱེད་ལས་ཁག་ལ་ངོ་རྒོལ་བྱེད་ཀྱི་ཡོད་ལ། སོ་སོའི་དཔལ་འབྱོར་ལ་སྟངས་འཛིན་བྱེད་པའི་ཐོབ་ཐང་རྩོད་ལེན་བྱེད་ཀྱི་ཡོད།
སྐད་ཡིག་ནི་འཛམ་གླིང་སྟེང་གི་མི་རིགས་འདྲ་མིན་གྱི་རིག་གཞུང་དང་ངོ་བོ་སྲུང་སྐྱོབ་བྱེད་སྤྱད་ཀྱི་གལ་ཆེའི་ལྡེ་མིག་དེ་ཡིན་ལ། བོད་ནང་ལ་ཆ་མཚོན་ན། རྒྱ་ནག་སྲིད་གཞུང་གིས་སྒྲིག་འཛུགས་རང་བཞིན་གྱི་ཐོག་ནས་བོད་ཀྱི་སྐད་ཡིག་རྩ་མེད་གཏོང་བའི་རྩོལ་བ་བྱེད་ཀྱི་ཡོད་མེད་ལ་མ་ལྟོས་པར། བོད་མི་ཚོས་མུ་མཐུད་ནས་སོ་སོའི་སྐད་ཡིག་གི་ཐོབ་ཐང་རྩོད་ལེན་བྱེད་བཞིན་ཡོད།
ནམ་རྒྱུན་སྲིད་དབང་སྒེར་འཛིན་སྲིད་གཞུང་ཁག་མགོ་རྟིང་སློག་རྒྱུ་དེ་ཧ་ཅང་དཀའ་ལས་ཁག་པོ་མཐོང་གི་ཡོད། འོན་ཀྱང་། མི་མང་མང་པོ་མཉམ་འཛོམས་དང་མཐུན་སྒྲིལ་བྱས་པ་ཡིན་ན། ཆེས་གདུག་རྩུབ་ཆེ་བའི་ཆབ་སྲིད་ཀྱི་ལམ་ལུགས་ཤིག་གི་འོག་ཏུའང་།སོ་སོའི་ཆབ་སྲིད་ཀྱི་ཐོབ་ཐང་མངོན་འགྱུར་བྱེད་དུ་འཇུག་ཐུབ་ཀྱི་ཡོད་པ་ལོ་རྒྱུས་ཀྱིས་ཁ་གསལ་པོ་སྟོན་གྱི་ཡོད། དེ་ཇི་ལྟར་བྱས་མིན་སྐོར་ལ་སློབ་སྦྱོང་བྱོས།
Authoritarian regimes can seem too difficult to topple. But that’s because we often think of power as coming from the top down. What if we see that power comes from the bottom up, and that people can win their rights even up against the most brutal political system?
