ཁོར་ཡུག་སྲུང་སྐྱོབ།

བོད་ནང་གི་ཁམས་རྫ་སྟོད་ཀྱི་མི་མང་རྣམས་ཀྱིས་མཉམ་རུབ་སྒོས་འཐབ་བྱུས་ལྡན་པའི་ལས་འགུལ་སྤེལ་ཏེ། ས་ཁུལ་དེའི་ནང་གི་གཏེར་ཁ་བསྔོགས་འདོན་གྱི་ལས་གཞི་བཀག་འགོག་བྱས་ཏེ། རྒྱལ་ཁ་ཆེན་པོ་ལེན་ཐུབ་ཡོད།

རྒྱ་ནག་གི་ཁོར་ཡུག་ལས་འགུལ་བའི་འབད་བརྩོན་ལ་བརྟེན་ནས། ཤིང་ནགས་གཅོད་འབྲེག་མཚམས་འཇོག་བྱེད་དུ་བཅུག་སྟེ། སྟོངས་ལ་ཉེ་བའི་སྤྲེའུ་སྣ་དུམ་སྲུང་སྐྱོབ་བྱེད་ཐུབ་ཡོད་ལ། རྒྱ་ནག་ནང་ཁོར་ཡུག་སྲུང་སྐྱོབ་ཀྱི་ལས་འགུལ་བསླངས་ཡོད།

ཡུན་ནན་ཞིང་ཆེན་གྱི་གྲངས་ཉུང་མི་རིགས་ཁག་དྲུག་གི་སྡེ་མི་ཚོས་མཉམ་རུབ་ཀྱི་ཐོག་ནས།འཛམ་གླིང་ནང་གི་ རྒྱུག་ཆུ་འབབ་སའི་ལུང་ཤུར་གཏིང་རིང་ཤོས་ཀྱི་གྲས་ཡིན་པའི་སྟག་མཆོངས་གྲོག་རོང་གི་ཆུ་མཛོད་ལས་གཞི་བཀག་འགོག་བྱས་ཡོད།

མི་མང་ཁྲི་སྟོང་མང་པོ་དྲྭ་ཐོག་དང་ཁྲོམ་གཞུང་དུ་མཉམ་འཛོམས་བྱས་ཏེ། རྒྱ་ནག་གི་ཏ་ལེན་ས་ཆའི་ནང་གི་རྫས་འགྱུར་བཟོ་གྲྭ་བཙན་གྱིས་སྒོ་རྒྱག་ཏུ་བཅུག་ཡོད།

ཕྱི་ལོ་༢༠༡༠་ལོར། མེ་ཤོད་མང་ཚོགས་ཀྱིས་ཐད་ཀར་ཐེ་གཏོགས་ཀྱི་ལམ་ནས།ཤིང་ནགས་གཅོད་འབྲེག་བྱེད་མཁན་རྣམས་ནགས་ཚལ་ནས་གནས་དབྱུང་བཏང་སྟེ། སོ་སོའི་ས་ཆ་གཏོར་བཤིག་ལས་སྐྱོབ་ཐུབ་པ་བྱུང་ཡོད།

ཁེ་ན་ཊའི་ནང་གི་ཨེ་ནོ་ཊ་དང་ཁི་རེའི་ཡུལ་མི་ཚོས།

ལོ་ངོ་སུམ་ཅུ་ལྷག་གི་རིང་དུ། ཇེམ་སི་བྷེ་ཆུ་མཛོད་ལས་གཞི་ལ་འཐབ་རྩོད་བྱས་མཐར། གསར་གཏོད་རང་བཞིན་གྱི་དྲིལ་བསྒྲགས་ཀྱི་ལས་འགུལ་བརྒྱུད་དེ། ཆུ་མཛོད་ལས་གཞི་རིམ་པ་གཉིས་པ་བཀག་འགོག་བྱས་ཡོད།

མང་ཚོགས་དང་ཁོར་ཡུག་ལས་དོན་བསྟི་གནས་ཁང་ཐེ་བའི་མཉམ་འབྲེལ་གྱི་ཚོགས་པ་ཁག་གིས།ཀུ་ཤུ་བཟོ་ཚོང་ཁང་ལྟ་བུའི་རྒྱལ་མང་ཚན་རྩལ་བཟོ་ཚོང་ཁང་ཁག་གི་ངོས་ནས་་སོ་སོའི་ཐོན་རྫས་ཀྱི་སྙིགས་རོ་གཙང་བཟོ་བྱེད་དགོས་པའི་དགོས་འདུན་བཏོན་ཡོད།

ཕྱི་ལོ་༢༠༡༢་ལོར། ཁྱབ་ཆེ་བའི་དྲྭ་ཐོག་གི་གནོན་ཤུགས་ལ་བརྟེན་ནས། རྒྱ་ནག་གི་གཞུང་གིས་མཁའ་རླུང་གི་སྤུས་ཚད་འཇལ་བྱེད་ཀྱི་མ་ལག་ལ་འགྱུར་བ་བཏང་སྟེ། སྤུས་ཚད་ངོ་མ་དེ་སྟོན་དགོས་པ་ཆགས་ཡོད།